مين الى خلق ربنا

مين الى خلق ربنا
سوال لربما ساله 100% من المسلمين لانفسهم فى السن بين 12 لعشرين سنه
او ممكن قبل كده
و لربما برده كان فى اجازه الصيف بما انك فاضى و مش بتفكر فى المذاكره اول لما تدخل علشان تنام مايجيلكش نوم و تلاقى سوال ده جيه فى دماغك
تقول استغفر الله العظيم و تحاول تنام
و برده بيجيلك
و فى الاخر مابتعرفلوش اجابه
و لربما 99.9% من الى سال نفسه السوال دا اتكسف يناقش حد فى الموضع ده
او خاف يقول انو فكر كده ليقولو عليه كافر
و فتره و نسى السوال ,, بس نسيه وبرده فضل من غير اجابه
المفروض انت لما يجيلك السوال ده فعلا تستغفر الله و تستعيز بالله من الشيطان الرجيم
لكن لان بعض ( البعده ) بيسالو السوال ده و لو سالهولك مش هاتعرف تجاوبوه
او هاتقولو الله واحد هيقولك مش مقتنع انو مافيش حد خلقه لازم يكون فى حد خلقه
ساعتها انت هاتسكت
لا بقه انا مش هاسكت
ماشى و هامشى معاك للاخر
انت بتقول ان الله فى حد خلقه
هيقولك اه
طيب اسئله سوال بسيط اوى
طيب و الى خلق ربنا ده مين الى خلقه بقه ؟
ساعتها هايبقى فى احتمالين
يا هايسكت و يكتم خالص
يا هايقولك حد اكبر منه
و ساعتها نفس السوال والى اكبر منه دا مين الى خلقه ؟
وساعتها نفس الاحتمالين
يا يسكت يا يقولك حد اكبر منه
و ساعتها فى احتمالين يا تقعدو كده الى ان يشاء الله
لتوصلو لحقيقه
عقله و عقلك لازن غصب عنهم يتقبلها
وهى حقيقه انه فى اله اكبر من اى شىء هو الى خلق كل شىء و لم يخلق ( بضم الياء )
مش كده برده
اصل انت هاتقولى فى اكبر و فى اكبر لازم توصل لاكبر حاجه الى هو ما اتخلقش يا اما هاتقعد تقول فى اكبر لغايه لما تموت بقه
اظن كده خلاص ,, محدش هايسال نفسه تانى من خلق ربنا لانك كنت بتسال نفسك مش علشان ربنا لا علشان فكره وجود شىء لم يخلق كانت غريبه على عقلك ,, و اظنها حاليا بقت مالوفه او هى حقيقه لك ان تتقبلها او ترفضها و تقعد تفكر مين الى خلق مين الى خلق و دا مين الى خلق و الاكبر مين الى خلق و ماتوصلش لحاجه فى الاخر او توصل للحقيقه و هى وجود اله لم يخلق
ودى الحقيقه الى احنا قلنالك عليها من الاول و انت ماصدقتهاش
ان الله لم يلد و لو يولد

السوال التانى الى برده سالته لنفسك فى نفس اليوم او لربما فى اليوم الى بعده
او قبل السوال دا
الاله دا شكله ازاى
او عامل ازاى
و شغلك اوى شكله
طيب انا هاجاوبك بقه
بص محتاج مقدمه صغيره كده قبل ما اجاوبك
دلوقتى انت لما بتفكر فى الجنه بتتخيلها ازاى ؟
لما بتغمض عينيك بتتخيل شجر و نخل و انهار زى الى فى الدنيا بس نضيفه
وااسعه اوى و الجو فيها حلو و لما بتعوز اى حاجه بتفكر فيها تلاقيها
تفاح عنب تورته جاتوه ,, اى حاجه بتفكر فيها تلاقيها و الحياه حلوه اوى
طيب و النار بتفكر فيها ازاى
انها سودا و ليها ابواب كبيره و درجه حراره جامده اوى
دا تخيلك
لما فكرت فى ربنا حسيت انك مشوش ,, مش عارف تتخيل
بس انا هاريحك
بص يا سيدى دلوقتى انت فكرت فى الجنه ان فيها اشجار ( زى الى انت شوفتها قبل كده ,, و عنب زى الى انت شوفته و اكلته ,, و نهر زى الى انت شوفته بس على نضيف ,, انهار عسل ,, دخلت صوره النهر الى انت شوفته فى صوره العسل الى انت شوفته برده ) و النار الى انت تخيلتها تخيلت ابوابها ضخمه ,, ابواب زى الى انت شوفتها فى الدنيا بس على كبير و اسود زى اللون الاسود الى انت شوفته برده و عارفه
يبقى انت تخيلتها عن طريق الحاجات الى انت شوفتها فى الدنيا و مذكور فى القران انها موجوده فيها
الله بقه عامل ازاى ,,
وصف الله هو ببساطه ,,,,, ليس كمثله شىء
غمض عينيك و تخيل حاجه انت ماشوفتش زيها قبل كده
غمض كده
غمضت ؟
لو غمضت هاتشوف يا بياااااض يا سوااد
و دا يعنى انه لا يمكن لعقلك تكوين صوره لشىء لما تراه عينيك من قبل
ممكن تكون صوره ( تجميع ) لاشياء موجوده فعلا او رايتها
انما انك تكون صوره لحاجه ماشوفتهاش دا مستحيل
ممكن واحد فيتيك او فكيك شويه يقولى لا
طيب مثلا العماره دى الى بانها ,, ماهو كون صورتها فى دماغه بعد كده نفذها
هاقولو لا بجد انت فكيك ,, و واضح انك مدى لعقلك اجازه
لو ركز فى اى عماره مثلا هتلاقى شكلها مستطيل
هو كان عمرو ما شاف مستطيلات قبل كده ؟
لو فى زكرشه مثلا على شكل نص دايره
طيب ما هو اكيد شاف شكل دايره قبل كده و تخيل نصها بس و نفذه
الخلاصه انك لو بصيت فى اى حاجه اخترعها الانسان هتلاقيها تحريف او تجميع لحاجات شافها قبل كده
لكن الله ليـــس كمثله شىء
مافيش اى حاجه شفتها او هاتشوفها مثله
فريح نفسك من صفاته الماديه ,, فهو ليس كمثله شىء ,, عقلك مش هايعرف يوصلها دى
الى يعهمك بقه
99 صفه
و اسم واحد بس يكفيك انك لو بتطيعه تستمر فى الطاعه
و لو ما بتطيعوش ماتعصيهوش تانى ابدا
يعنى مثلا القوى : انت متخيل قوه ربنا متخيل الكون الى انت عايش فيه دا و انت حجمك اد ايه فيه
انت اخرك 2 متر فوق الارض ,, متخيل حجم الكون اد ايه ,, الاله الى خلق كل دا مش قادر يخفس بيك الارض و انت بتعصاه ؟؟ متخيل طيب بتعصاه ازاى
ازاى بيجيلك قلب تعصااه و هو بالقوه دى و مع ذلك و بالرغم من قوته دى وبدل ما يخفس بيك الارض بيسترك طيب مش مكسوف ,, مش مكسوف من نفسك مش مكسوف منه ؟ و هو بيسترك و برده ترجع تعصاه تانى
سترك بدل المره الف مره و برده ترجع تعصاه و مش بس بيسترك
يعنى انت بتعصاه ,, ,, بيستر عليك ,, و مش بس كده دا بيسغفرلك كمان يعنى مجرد انك تقولو يارب انا اسف انى عصيتك ,, بيمحيلك ذنوبك تخيل انك لو شغال عند حد و عملت غلطه و قلتله معلش ,, اقل واجب انو يتنك عليك شويه او يشخط فيك شخطتين او يخصملك يومين ,, انما الله الى خلقك و قوتو الى انت مش قادر تتخيلها ,, بتقولو انا اسف ,, بيمحيلك ذنوبك و ياريت على كده وبس دا كمان كريم لما بتعمل ذنب بيبقى ذنب ,, و لما بتعمل حسنه بيضاعفهالك عشر اضعاف على الاقل ,, يعنى تعمل ذنب و تستغفر يتمسح و تعمل حسنه تتكتب و كل ده و ده
, هو مش محتاااااااجك ,, لو فهمت دى بس ,, انه9 مش محتاجك فى حاجه لما تصلى و لا تصوم و ال تعمل خير انت مانفعتوش فى حاجه ولا ضريته ,, دا كل دا لنفسك ,, و مع ذلك عاملك كل التسهيلات دى علشان تدخل جنته

فى ارحم من كده ؟
فى اجمل من كده اله يتعبد ؟
ربى ,, كفانى فخرا ان تكون لى ربا
وكفانى عزا ان اكون لك عبدا

على فكره الكلام فى الجزء الاخير الى يخص المعصيه كان موجه ليه مش ليكو
انا كتبته لنفسى بعد كده كنت هامسحه لانى موجهه لنفسى ,, بس قلت اسيبو لعل حد يكون زى حالاتى كده

مما قرئت

» زعلان على نفسك ونفسك تتوب ؟؟فاكر ان ربنا مش هيقبلك؟؟