السلام عليكم ورحمة الله وبركاتة
ازيكو يا بنات ويا شباب اللى عايزين يتوبو لربنا ويرجعولو وزعلنين جدا من نفسهم
وفاكرين ان ربنا مش هيرضى توبتهم
طب خليكو معايا وركزو كويس اوى
على فكرة التوبة دى حكاية سهلة جدا وكل واحد يعرف يعملها بكل سهولة ويسر
مهموم مكسووور محروووم مهجور عطشان للخير مشتاق للنور
مهزوووووم ندمااان مليان احزان مسجون بالخوف
خايف منك اوى عارف انك قوى
انا خايف من العذاب منك يوم الحساب من ذنب حسبته هين من قلب مهوش حنين
من وانا باخد كتابى لنعيمى اوعذابى
من زحمه يوم طوويل والشمس فى بعد ميييل والناس فى ذنوبها غارقه مش لاقيالها دليل
انا راجعلك ياربى راجعلك انا راجعلك بقلبى راجعلك انا راجعلك يارب
فاكر المراة اللى كانت زانية وربنا غفر لها عشان سقت حتة كلب
فاكرها كويس طب ياترى اتعلمت منها اية؟
• يقول الله عز وجل ( انى لأجد أستحى من عبدى يرفع يديه يقول يارب يارب فأردهما
فتقول الملائكه الهنا انه ليس أهلا لتغفر له فأقول ولكنى أهل التقوى وأهل المغفرة أشهدكم
انى قد غفرت لعبدى ) .
اولا عشان تتوب
لازم تسال نفسك انت بتعمل المعاصى دى لية ؟؟
طب بتستفيد اية لما بتعصى ربنا ؟
بتتمتع بالدنيا بس صح
طب والاخرة اكيد كلنا عايزين نتمتع بالدنيا وبالاخرة
هتقولى ازاى
هقولك يا سيدى ازاى
اول ما تعمل معصية شوف عقاب ربنا ازاى لو عملتها
يا ترى هيفرح ولا هيزعل
طب وانت بتعمل المعصية بتبقى انت فرحان
ندم على ما فات .. لازم نندم اشد الندم .. ازاى احنا كنا بنسمع اغانى .. وانا عارف انها حرام!!
ازاى كنت ببص على دي وهى ماشية واكلم دي واعرف دي .. ازاى ..أما استحييت من ربك وهو الذي وهبك السمع والبصر فاستخدمتهم في معصيته!!. يااااارب اغفر لى يارب سامحنى
ازاى كنت بلبس اللبس ده .. ياااااه انا لو مت دلوقتى هتحاسب على كل قطعة هدوم عندى في الدولاب!!
الحمد لله الذي امهلنى الحمد لله الذي سترنى .. الحمد لله الذي احيانى لأتووووووب
يلا توب بقى ربنا والله بيحبك وعايزك ترجعلو
قوم اتوضى وصلى ركعتين شكر عشان ربنا خلاك دلوقتى تقرا الموضوع دة وتتوب
يلا ايدى بايدك ونتوب مع بعض
يلا قولى حالتك ازاى دلوقتى بعد ما قرات الموضوع ؟؟؟